نصيحة لكل شخص مقبل على الزواج

#عزيزي_واخي_الشاب________وخواتي_البنات

تريد تزوج ميخالف هذا الشيئ من حقك بس اكو كم نقطة مهمه جدا

نصائح مهمة للشباب المقبلين على الزواج

#اولا، لا تزوج وحدة متعلمة ع المسؤولية والطبة والطلعة وشخصيتها قيادية

وتجي انت تگلها عفية لا اطلعين من البيت وانت ستيرن يمنه

هنا شغلتك حيل تعبانة

#ثانيا، لا تزوج وحدة تلبس #جينزات وتيشرتات دلع وتجبرها

على لبس #الحجاب والعباية حتى ترضي نفسك ومجتمعك

فهنا هم شغلتك حيل تعبانة

#ثالثا ، تزوجلك بنية من ثوبك مو تختلف عن تفكيرك ١٨٠ درجة وتروح تچلب بيها حتى بالمستقبل ما تتعرض لمشاكل

ويصير تضارب فكري بينكم وتوصلون لنهاية ما الها حل وتنجبر على #الطلاك وبعدين تندم ما اخذت بنية من ثوبك

#رابعا ،انت متدين أخذ #متدينة ، انت منفتح أخذ #منفتحة

ولا تخلط بالوضع رحمة على والديك

#خامسا ، لا تزوج وحدة تشتغل شغل خاص بيها مثلا

ميك اب ارتست او غيرها من الشغلات وانت ما يعجبك شغلها لأن مجتمعك ممتقبل هيج شغل

#سادسا، لا تزوج بنية #سمينة وتجبرها تضعف ولا تزوج بنية #ضعيفة وتجبرها تسمن

#سابعا ، لا تزوج اذا عندك ميول جنسية و تعاني من المشاكل الجنسية وهاي الفقره كثرانه هل ايام حتى ما تورط شريك حياتك

#واخيرا، لا تزوج بنية كلشي ما تعرف من الحياة وتجي انت تصير براسها سقراط والانسان المثالي ..

هواي اكو بنات نفس تفكيرك ونفس بيئتك وحتى نفس وضعك المادي

وتعلم فقرة وهي تمد رجلك على كد غطاك .

والله يوفق الجميع. ♥️