هذا الي رح يصير بالواتس اب في حال ما وافقتوا على السياسة الجديد بتاريخ 2020/5/15
السالفة صارت سكتة بس لازم شويه نبحوش حتى نخليكم بالصورة وما يحتاج احد يخاف من اي شي لان محد يكدر يدخل بياناتكم مثل المحادثات والصور في حال وافقتوا والمنشور هو حتى يكون عدكم خبر لا اكثر ولا اقل 😇
شركة الفيس بوك الي تملك تطبيق الواتساب بدت تجاوب على اكثر الاسئلة الشائعة من المستخدمين وتقريباً اغلب الاسئلة نفس الشي بكل دول العالم اذا بالعراق او غير العراق.
الشي الجديد هو في حال ما وافقتوا على الشروط حساب الواتساب ما رح ينحذف بس رح يصير مشلول تقريباً لان ما رح تكدرون تستخدمون الواتس اب بكل ميزاته ...
بالنسبه للستوريات ما تكدرون تدزون رسالة من تشوفون ستوري لشخص بعد ما ينتهي وقت العرض يمكم يعني وانتوا تشوفون الستوري لازم تكتبون الرسالة، والاتصالات رح يكون الوقت مالتها قليل يعني اذا تحجون ساعات ممكن رح يحددكم الواتس بدقائق.
ما رح تكدرون تدزون رسائل او الاتصال وهذا الكلام صار من خلال المتحدث بأسم الواتس اب TechCrunch بس رح تستقبلون الرسائل والمكالمات.
السياسة الجديدة المفروض تبدي من يوم ٨-٢ بس الضجة الي صارت بسبب ردة فعل المستخدمين اجبرت الفيس بوك تأجل تطبيق السياسة الجديدة لحد يوم ١٥-٥.
هذا الكلام هو بشكل رسمي من الواتس اب حسب ما نزل بموقعهم: