#للفائدة .. عذرا مقدما على الاطاله لكن موضوع كثرت عنه الاستفسارات ..
الاسئلة بخصوص البطاقة الائتمانية ( بطاقة التقسيط )
وشنو الفائدة من البطاقة وايضا عمولات البطاقة ف راح اوضلحكم بالتفصيل كل الاشياء بالبطاقة
#شنو هي البطاقة الائتمانية ؟بطاقة مجانية اعتيادية مثل بطاقة الماستر الي يستلم بيها الموظف راتبه يصدرها #مصرف_الرافدين للموظفين الموطنين رواتبهم على المصرف ( الملاك الدائم فقط ) وتوزع مجانا
#شنو الي موجود بهاي البطاقة ؟البطاقة تحتوي على مبلغ معين وهو 5 رواتب صافية ( الراتب الراتب الي يستلمه الموظف مضروب * 5 ) بس شرط ميتجاوز سقف المبلغ 5 ملايين ( راتبك 500 الف تنشحن البطاقة بمبلغ مليونين ونصف ) ( راتبك مليون ونص تنشحن البطاقة بمبلف 5 ملايين ) المبلغ الي يجي بالبطاقة هو بعد الاستقطاعات مال السلف مثلا موظف راتبه 800 الف مستلم سلفة 15 مليون استقطاعها 327 الف المتبقي من راتبه 473 ف المبلغ الي راح يكون بالبطاقة يعتمد على 473 مو على ال 800 يعني مليونين و300 الف
#شنو الفائدة من البطاقة ؟البطاقة هي عبارة عن بطاقة احتياج مثلا انت اليوم محتاج فد مبلغ معين تريد تتسوق فد شغلة معينه تكدر تسحب مبلغ من البطاقة وتكمل شغلك بي يعني رصيد اضافي الك او محفظة الك المبلغ الموجود بالبطاقة مجبور استخدمه ؟ وعادي استخدمه كله لو جزء منه ؟المبلغ الموجود بالبطاقة مو مجبور تسحبه مثلا انت صدرت البطاقة بس ما محتاج المبلغ الموجود بيها ماكو اي مشكلة وما تنحسب عليك اي عمولات تعتبر البطاقة غير فعالة ( تفعل في حالة الاستخدام فقط ) وايضا المبلغ الموجود مو ضروري تسحبه كله مثلا انت بطاقتك بيها مليونين محتاج فقط مليون ماكو اي مشكلة المبلغ تكدر تسحبه مجزء او تسحبه كامل
#شلون اكدر اسدد المبلغ الي سحبته او آلية التسديد ؟اول شي سقف التسديد الاعلى هو 20 شهر ( تقل حسب رغبة الزبون ) طريقة التسديد او فكرة التسديد هي ارجاع المبلغ للبطاقة يعني المبلغ الي ترجعه للبطاقة بهالحالة راح تعتبر انه انت مسدد المبلغ شهريا كل يوم 15 بالشهر راح يجيك كشف حساب بالمبلغ الي باقي بذمتك هنا تصير عندك خيارين يا اما تسدد المبلغ المتبقي حسب رغبتك بس شرط انه ميقل عن 5% من المبلغ المسحوب يعني #50الف_على_المليون او تسدد اكثر من هذا المبلغ علمود تقل الفائدة اذا ما سددت اني بهالتاريخ شنو الي راح يصير ؟راح يتم استقطاع المبلغ من بطاقة الراتب وايضا بنفس الشرط 5% من المبلغ المستخدم طرق التسديد الايداع بالبطاقة عن طريق المصرف تحويل مبلغ من بطاقة ثانية عن طريق برنامج خدمات كي او تطبيق الواتساب شحن البطاقة عن طريق المنافذ
#السؤال_المهم شنو العمولات الي راح تكون عليه بحالة استخدمت البطاقة ؟
العمولات او الفوائد نوعين 1- عمولة على السحب النقدي 1%+5 الاف يعني على المليون 15 الف ( سحبت مليون راح ينقص من عنده 15 الف تستلم 985 الف واذا مليونين تنقص 25 الف ) هاي عمولة ادارية 2- فائدة على المبلغ المتبقي هنا الفائدة هاي كلش مهمة لان انت الي راح تتحكم بيها الفائدة هاي 1.75% على المبلغ المتبقي يعني مثلا انت سحبت مبلغ مليون من البطاقة ال 1.75% على المليون بأول شهر 17 الف ونصف بثاني شهر راح يبقه المبلغ الي بذمتك هو 950 الف ف 1.75% على 950 هي 16 ونصف بالشهر الثالث الفائدة تصير 15 الف يعني شهريا راح تسدد 5% من المبلغ المستخدم + الفائدة على المبلغ المتبقي اول شهر المليون تسدد 67 ونص ثاني شهر 66 ونصف ثالث شهر 65 يبقه يتناقص المبلغ لحد ما يصفر
#شلون اكدر اقلل الفائدة الي بذمتي ؟نفرض المبلغ المسحوب منك هو مليون انت ما ردت تسدد 5% من المليون لا كلت اني هالشهر عندي فلوس وما محتاج اريد اسدد 500 الف مثلا ف المبلغ الي بذمتك راح يبقه فقط 500 الف يعني الفائدة هنا راح تصير 9 الاف فقط وتبدي تنزل بحالة سحبت المبلغ وسددته بأول شهر ما راح تنحسب عليك اي فائدة المدة كلما قلت راح يقل مبلغ الفائدة يعني انت تحدد المبلغ والفائدة والمدة كلها بيدك
#شكد اقل مبلغ اكدر استخدمه ؟ماكو مبلغ محدد تكدر تسحب 100 الف وتكدر تسحب مليون
#شلون اكدر احصل على البطاقه ؟ اما تقدم عن طريق رابط الكتروني https://mis.qicard.net/web/omnialoan#!/omnia/check
او تمر للمصرف وتقدم عليها بصوره مجانيه .
