سلف مصرف الرافدين من تشمل وكيف الشمول بسلف ومقدار الراتب
السلام عليكم الكثير من الناس يسالون عن موضوع السلفة
الشمول بالسلفة، وليش ما مشمول، وشلون انشمل،وكم راتب استلم يلا انشمل.هسة اسولفلكم بيهن وحدة وحدة.
اول شي نسولف بالاشاعة الكبرى، والي هيه (انه تستلم ٣ رواتب يلا تنشمل او تستلم راتبين او تستلم ٦ يلا تنشمل)اخوان هذا الشي موصحيح والشمول يكون حسب نشاط حسابات الدائرة.
يعني شلون يعني اليوم المحاسب من يرفع اول راتب لازم يسوي كتاب ويوجهة للمصرف وبي بيانات الموظفين( الاسم والايبان ) ويطلب شمول موظفينه بالسلف ومجرد ما يوصل الكتاب خلال فترة اسبوعين ينشملون وينظافون على سستم السلف وكل واحد حسب صافي الراتب مالته يكون استحقاقه من ال٥ لل٢٥ مليون يعني شغلة شهر وشهرين واربعة خاصة بالدائرة والحسابات
والمصرف شوكت ما يستلم كتاب طلب شمولهم بالسلف يشملهم.
اما موضوع انا ما مشمول وشلون انشمل
فبهذي الحالة معناهة دائرتك ما مودية بياناتك للمصرف فلازم الدائرة تسوي كتاب بكل موظفينها الما مشمولين وتثبت بياناتهم وتكتب انه الموظفين على الملاك الدائم وتفصل اجابة كاملة ومثل ما بينت سابقا خلال ١٠ الى ١٥ يوم يتم تحديث البيانات وينشمل الكل غير هذي الطريقة ماكو طريقة حتى تنشمل بيهة
لا مكتب ولا معقب ولا صديق ولا تتعب وتدوخ نفسك
اما بخصوص موضوع انا استلمت سلفة ١٠ وراتبي يكفي ويطلع غير مشمول فهذي علاجهة يكون بوحدة من هاي الطرق
اما تتصل انت بال٤٢٢ وتطلب منهم ان يحدثون بياناتك للشمول بسلفة الضعف وراح يحدثولك البيانات وخلال اسبوعين تكدر تقدم.
او تراجع اي فرع لمصرف الرافدين وتطلب منهم يحدثولك بياناتك حتى يشملوك بسلفة الضعف راح تنطيهم بطاقاتك وب٥ دقايق تكمل السالفة وتنتظر تحديث البيانات على رابط السلف والي تطول ١٥ يوم او اقل حسب وجبة التحديث
ايضا حبيت اوضح الكم انه مصرف الرافدين حاليا زاد عدد مرات التقديم ع السلفة بشرط انه راتبك يكفي وما يزيد المبلغ عن ٢٥ مليون
يعني مثلا انت راتبك يكفي تسحب ٢٠ مليون بس انت سحبت مرتين سلفة على ٥ مليون فالي راح يصير انه تكدر تقدم مرة ثالثة وتسحب بعد ١٠
لان سابقا جان التقديم محصور بمرتين فقط هسة زاد عدد مرات التقديم..