سلف مصرف الرافدين الاستحقاق و السلف التكميلية وطريقة التقديم
recent
أخبار ساخنة

سلف مصرف الرافدين الاستحقاق و السلف التكميلية وطريقة التقديم

سلف مصرف الرافدين الاستحقاق و السلف التكميلية وطريقة التقديم



السلام عليكم بعد ما شرحنا الشمول في منشور سابق يوم امس اليوم راح نتكلم بموضوع ثاني ايضا

 يخص #سلف_مصرف_الرافدين

والي هو شكد استحق سلفة وشلون احسب استحقاقي ؟؟ 
وراتبي يكفي لو لا ؟؟
واكدر اخذ بعد سلفة (تكميلية)؟؟
شكد تطول واستلم السلفة ؟؟

نجيهن وحدة وحدة 

اول شي موضوع شكد استحق سلفة 

عملية الشمول واضافة البيانات ع نظام السلف فد شي الكتروني حسب راتبك الاخير اكو فد معادلات ثابته بالسستم هية الي تحدد مقدار شمولك ب٥ او ب١٠ او ٢٠ او اكثر يعني مو شغلة يدوية واكو موظف على مزاجة يوزع فلوس ومحد يكدر يتلاعب بيهة 
يعني لا بيهة بعد اخوك محتاج ولا بعد خالك انطيني اكثر 
بقة انت اليوم لازم تعرف شلون تحسب راتبك حتى تشوف استحقاقك شكد 
الكل يعرف انه القانون يكول الاستقطاع ما يصير يتجاوز ال٥٠ بالمية من الراتب
يعني شلون ؟
يعني من راتبك مليون دينار لازم مجموع استقطاعاتك كلهة ما يتجاوز ال٥٠٠ الف
فتجي تحسب صافي الراتب مالتك الي تستلمه عن طريق البطاقة مثلا راتبك مليون و١٠٠ الف تقسمة على ٢ 
راح يصير ٥٥٠ الف تجي تقارن الناتج وية مقدار الاقساط الي هسة صورتهة بالمنشور 
راح تشوف ان سلفة ال٢٥ مليون قسطهة ٥٣٤ الف 
يعني انت تكدر تسحب سلفة ٢٥ مليون لييييش ؟
لان مقدار ٥٠ بالمية من راتبك يغطي قيمة القسط وكذلك بالنسبة للسلف الاخرى .

بالنسبة للسلف التكميلية 

فتعليمات المصرف تكول انه يحقلك تقدم اكثر من مرة 
بشرط راتبك يكفي وبشرط ما تصعد فوك ال٢٥ مليون 
يعني تكدر تقدم خمس مرات على خمسة مليون في حال راتبك يغطي مجموع الاقساط 
ارجع واكول مو راتبك الكلي ... لا ... 
مقدار نص الراتب كون يكفي مجموع الاقساط 

هواي سالوني انا باقي براتبي ٢٠٠ باقي ٣٠٠ باقي ٦٠٠ اكدر اسحب بعد ؟
باختصار انسه انت ماخذ سلف وارجع براتبك لما قبل الاستقطاعات شكد جان 
جان مليون دينار 
قسمه على ٢ 
صار ٥٠٠ الف 
قارنهة وية الاقساط راح تلكة ان المتبقي يكفي حتى تسحب ٢٠ مليون لان قسط ال٢٠ مليون ٤٢٧الف 
شكد انت ساحب هسة ؟
ساحب ١٥ مليون اذن تكدر تاخذ بعد خمسة 
سهلة الحسبة وما بيهة شي 
وتريح بالك من الدوخة 

زين اذا حسبتهة وانت تستحق ٢٠ مليون 
بس بالتقديم يكلك استحقاقك ١٠ مليون شنو راح تسوي ؟

كلش سهلة ولا تهتم 
اما تراجع اي فرع لمصرف رافدين وتكلهم انا استحق ٢٠ وانتو شامليني ١٠ ويدزولك طلب بتحديث البيانات
او تتصل بال٤٢٢ وتبلغهم بنفس الشي وراح يحدثون بياناتك ع الرابط خلال فترة ١٠ ايام وتكدر ترجع تاخذ المبلغ الي تريده ..
اما موضوع الاستلام وشكد واستلم 
فالموعد مو ثابت 
احيانا خلال يومين واكو تطول اسبوع واكو تطول ١٠ و١٥ يوم 
بس هية عموما خلي يكون ابالكم ان الفترة للمنح من ٥ الى ٢٠ يوم بعدها اذا صار عندك تاخير 
هم تكدر تراجع اي فرع للرافدين وتسال عن التاخير 
او تتصل بال٤٢٢ وتستفسر وهم يبلغوك بالسبب 

وبالنسبة للتقديم ع السلفة 

فتكدر تقدم من خلال هذا الرابط 
واذا ما عرفت شلون تقدم 
فبالرابط اكو عبارة مكتوب (شلون اقدم ع السلفة) اضغطهة وراح يعرضلك فديو لكيفية التقديم

#ملاحظة_صغيرة 
هذا الحجي يخص الموظفين المدني 
اما بالنسبة للعسكريين والشرطة فمشمولين فقط ب٥ و١٠ مليون (#حاليا)

اعذروني طولت الحجي اليوم 
بخدمتكم ..

google-playkhamsatmostaqltradent